خسيـتي والـزمـي حــدك ؛؛؛ تـراهــا ضـاعــت الاداب
انا لا طـــاشت جنوني ؛ يعرف الجاهـل ادابـه
وش المـغـزا مــن الكلـمـه وش الداعي!! وش الاسباب
وهرج الكذب والتجريح !!! قوليلي وش اسبابه
انـا الشـرهـه عـلي انـي فتحـت لخافـقـي كــم بـاب
ولكن مثل ماجيتي !!! ترا وسع الجمـل بــابـه
خـذي نفسـك معـك بــرا ؛ ثــم انقلـعي بــدون إيــاب
فمان الله ؛ والا اقول :: فمان ابليس واصحابه
تحسبيـنـي عـلـى فـرقـاك ابـنــدم واغـرق الاهــداب
انا مبسوط يوم اني ؛؛ طردت الشــوم وغرابه
انــا مـا اعـاشـر الخـايـن.. ولا اسـمـع هـرجـة الـكـذاب
ومثلك قيمته عنـدي تحـت الزيـرو حســــابـه
رفعتي خشمك الواطي 0 وغرك زينك الخلاب
ترى والله ماحرك جمالك نظرة اعجابه
تغطرستي على الفاضي 0 وانتي من علق وتراب
ومصير ابن ادم المسكين 0 يدمدم فوقه ترابه
هــذاك الـلـي تحبيـنـه ؛ حـقـيـر و خـكــري ولـعــاب
عاجبك ان قذلته شقراء ويميّل بالشعـر كــابـه
صحـيـح انــه حقـيـر و زيــن . وشكـلـه للنـسـاء جـذاب
تشّبه بأخــته فــلانـه ؛؛ ومنهـا الـدم متــشابـه
وانـا مانيـب حـــرف الـجـر ؛؛ تجريـنـه عـلـى الاعــراب
انا حرف(ن) جزم نفسه ؛ و مثلي يصعب اعـرابــه
تشـوم النفـس عــن زيـنـك عـقـب مـاطـاح فيـهـا ذبـاب
وانا حر(ن) ولد حـر ؛؛ تركــت الزيـن لــ ذبـــابه
انـا يابنـت مــن ربــع(ن) لـهـم فــوق الفـــخـر مـحـراب
انا من روق ياخبله ؛؛ وربعي الهيلا اعتابه
انــا شـيـخ(ن) ولــد شـيـخ ؛ بـذكـره تنـعـم الانـساب
وقليل الاصــل يافلانه !!!! يراجع دفتـر انسابـه
ولـد شيـخ(ن) وسـط ربـعـه لـه بـين الـرجـال حـسـاب
اليـا ضــاقت به الدنيـا ؛؛ يهـز الارض مشعابـه
محنكـنـي عـلـى الطيـبـه مــن يـومي صغـيـر وشــاب
اجل : وش رايك بطـفل(ن) دلال القهـوه العــابـه
تـرى بـدري عـلـى مثـلـك تعـيـب وساسـهـا مـعـيـاب
يــاليت اللي يعيبني ؛؛ يحـــاول يستـر اثـيابـه
انــا ليا جتـنـي الـزلـه ؛ مــن الجـــاهـل وهـــو كـذاب
تركت القــافله تمشي ؛؛ وراهـا تنـبـح كــلابـه
وانــا ليـامـن كـشـفت ان الـخـوي اصـبـح لـسانه داب
نزعت الســم من عرقه.. وكسرت بمخلبي نابـه
خــلاص الـيـوم يافـلانـه ؛ كرهـتـك والقـلـوب اغــراب
وترى كل طير(ن) بكبد الســـماء يشبع بمخلابـه
خـســــاره !!! مثـلـك بقـلـبـي يتـوج ســيد الاحبــــاب
وخساره غلـطة العاشق ؛ يحطك اول احبــــابـه
بعـد هـذا تبيـن ارجــع لاجــل عيـنـك نصـيـر اصـحـاب
خسيتي واقلبي وجهك !!! ولا كـلمه ؛ ولا اجـابـه
للشاعر محمد العتيبي
